Udaberriko Kanpamentua 2022

Bi urtez udaberriko kanpalekurik gabe egon ondoren, indar handiagoz itzuli gara, auzoko txikienek Pazko Astea modu desberdin eta berezian goza dezaten. Oraingoan, abentura Burgosen izango da, Burgosko ipar-mendebaldean dagoen Santibañez Zarzagudako aterpetxean, hiriburutik 21 km-ra.

Beti bezala, Gure Lurra elkarteko begirale-talde boluntario bat lanean ari da 2005 eta 2015 artean jaiotako haur eta nerabe guztiek Pazko Asteaz beste modu berezi batean gozatzeko aukera izan dezaten: naturaz eta landa-inguruneaz gozatuz, autonomia handituz, auzoko beste haurrekin sozializatuz, balioak garatzen lagunduko duten dinamiketan parte hartuz, euskara ingurune ez-akademikoan erabiliz, etab.

Zure seme-alabak parte hartzea nahi baduzu, hemen deskarga dezakezun informazio-triptiko honetan duzu informazio guztia.

PARTE HARTZEKO PROZESUA

1. AURREINSKRIPZIOA

Martxoaren 16an, 17:00etatik martxoaren 18an, 21:00etan, AURREINSKRIPZIOA (plaza-eskaera) egin ahal izango duzu esteka honetan edo Gaztegunean https://gurelurra.playoffinformatica.com/actividad/8/Campamento-de-primavera-::-Udaberriko-kanpamentua/

Aurreinskripzioa baieztatzeko mezu bat iritsiko zaizu.

Bi edo hiru anai-arrebak bazarete, prezioan beherapena izateaz gain, batera hartuko duzue parte zozketan.

2.ZOZKETA

Beharrezkoa izanez gero, programetako bazkideentzako (Haurgune/ Kidegune/ Gaztegune/ Gailurra) eta bazkide ez direnentzako zozketa egingo dugu. Martxoaren 22an posta elektronikoz jakinaraziko dizuegu plaza esleitu zaizuen.

3.ORDAINKETA (martxoaren 23ko 17:00etatik martxoaren 25eko 21:00etara)

Plazarik baduzun jakin ondoren, dagokion kuota ordaindu beharko duzu transferentzia bidez ES15 3035 0123 23 123 123 0003797 kontu-zenbakian, parte-hartzailearen izen-deiturak adieraziz. ez da beharrezkoa bankuaren abonu-agiria entregatzea)

*2022/03/01 baino lehen programetako batean izena eman duten pertsonak hartuko dira BAZKIDETZAT.

Oraindik ez dago iruzkinik

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Colaboradores / Laguntzaileak: