KIMUAK: Jolas librerako espazioa

Gure Lurra Elkarteko begirale batzuen ametsa bezala hasten da Kimuak. Irakatsi eta ikasteko eredu berrien inguruko jakin-minak eta intrigak gure auzoaren atarian dugun mundu bat deskubritu zigun, Natura.

Espazio honetan, txikienek naturaren iragankortasunaren harriduraz ikas dezaten bilatzen dugu, bakoitzaren erritmora egokitutako jolas libre batekin. Baina horrek ez du esan nahi laguntzaileen taldeak intriga areagotzen duten tailerren proposamenik aurkeztuko ez dutenik: proiektua jolas librean oinarritzen den arren, batzuetan espazioko laguntzaileek ere jarduerak proposatuko dituzte, batez ere lehenengo asteetan, parte-hartzaileek jolas librearen dinamikara ohitu arte.

Ingurune naturalak, batez ere aldez aurretik kontakturik izan ez bada, ziurgabetasuna eta segurtasun eza eragin ditzake, horregatik, jarduerak proposatzearena, seguru senti daitezen. Guztiei irekitako probokazio (jarduera) horrek joko librera modu seguruagoan igarotzeko balioko du. Baina probokazio horiek erabat libreak izango dira, eta nahi dutenek bertara joko dute.

Helburuak

● Haurtzaroaren garapen integrala sustatzea, esperientzia propioen bidez eta naturarekin kontaktuan.
● Gure haurrek irudimena eta sormena garatu ahal izatea aire zabalean.
● Natura errespetatzeko printzipioetatik heztea.
● Trebetasunak garatzea naturgune batean manipulatuz, esperimentatuz eta behatuz.
● Zentzumenen garapena sustatzea.

Ordutegiak

Proiektua martxan jartzen den lehen urte honetan astean behin bakarrik egingo da jarduera, astearteetan 17: 30etik 19: 30era Zorrotzako futbol zelai zaharrean.
Taldeak eta prezioa Taldeak adin mistokoak izango dira, 6 urtetik 12 urtera artekoak (Lehen Hezkuntzako adina), eta parte-hartzaile bakoitzeko prezioa 70 eurokoa izango da ikasturte osorako.

Jaitsi PDFa

Argazkiak

Colaboradores / Laguntzaileak: